ԱՐԵՒԵԼԵԱՆ Ա․Մ․Ն․ ԱԶԳԱՅԻՆ ԱՌԱՋՆՈՐԴԱՐԱՆԻ «ՍՈՒՐԲ ԳՐԻԳՈՐ ՏԱԹԵՒԱՑԻ» ԼՍԱՐԱՆԸ ՀԻՆԳ ՇՐՋԱՆԱՒԱՐՏ ՈՒՆԵՑԱՒ

Արեւելեան Ա․Մ․Ն․-ի Ազգային Առաջնորդարանի «Սուրբ Գրիգոր Տաթեւացի» ամառնային լսարանը հինգ շրջանաւարտ ունեցաւ։ Ս. Վարդանանց (Ռիճֆիլտ, Նիւ Ճըրզի) եկեղեցիէն՝ Դանիէլ Առաքելեան, Ճէյն Սիմոնեան Կորտնըր, Լոռի Թէքէեան եւ Կրէկ Վարժապետեան, իսկ Սուրբ Խաչ (Պեթեստա, Մէրիլէնտ) եկեղեցիէն՝ Փօլ Թաթարեան։

Ամառնային լսարանը քառամեայ ծրագիր մը ունի, եւ զայն աւարտողները կրնան վերադառնալ յետաւարտական դասերու հետեւելու համար։ Այս տարի, լսարանը ունեցաւ 43 մասնակիցներ (առաջին մակարդակ՝ 14 աշակերտ, երկրորդ մակարդակ՝ 7, երրորդ մակարդակ՝ 11, չորրորդ մակարդակ՝ 5, յետաւարտական դասեր՝ 6)։