0
0
Սեպտեմբեր 27-ին, Բերձորի միջանցքին մէջ, Արցախի նախկին պետական նախարար Ռուբէն Վարդանեան ձերբակալուեցաւ ատրպէյճանցիներ սահմանապահ զինուորներուն կողմէ:
Մինչեւ ձերբակալութիւնը Ատրպէյճան Վարդանեանին վերագրուող որեւէ մեղադրանքի մասին չէր նշած, միայն նախորդ տարուան Նոյեմբերէն սկսեալ, երբ ան պետական նախարար նշանակուեցաւ, Պաքու կը պահանջէր անոր հրաժարականը: Վարդանեան պաշտօնէն հեռացուեցաւ չորս ամիս ետք` Փետրուարին, այդ ժամանակուան նախագահ Արայիկ Յարութիւնեանի հրամանով:
Անոր ձերբակալութենէն ժամեր ետք, Հայաստանի կառավարութիւնը դիմեց Մարդու իրաւունքներու եւրոպական դատարանին եւ Պաքուէն պահանջեց տեղեկութիւններ տրամադրել Վարդանեանի ձերբակալութեան եւ անոր գտնուած վայրին մասին:
Վարդանեանի ձերբակալութեան մասին առաջին տեղեկացնողը եղաւ անոր կողակից Վերոնիքա Զոնապենտը, որ ըսաւ. «Ամուսինս` բարերար, գործարար եւ Արցախի նախկին պետնախարար Ռուբէն Վարդանեանը, ձերբակալուել ու գերեվարուել է Ատրպէյճանի իշխանութիւնների կողմից` այսօր առաւօտեան, երբ փորձել է հեռանալ Արցախից` ադրբեջանական բռնազաւթումից մազապուրծ եղած հազարաւոր հայերի հետ: Ռուբէնը արցախցիների կողքին էր շրջափակման 10 ամիսներին եւ նրանց հետ միասին էլ զրկանքներ է կրել գոյութեան համար այդ պայքարում»:
53-ամեայ Վարդանեան տեղափոխուած է Պաքու:
տել է Լաչինի միջանցքով Լեռնային Ղարաբաղից Հայաստան անձանց տեղաշարժի անարգել ապահովման հրամայականը», նշեց նախարարութիւնը։
