ԱՅՑԵԼՈՒԹԻՒՆ՝ ՆԻԱԿԱՐԱ ՖՈԼԶ

Read Time:23 Second

Կիրակի, 17 Սեպտեմբերին, Խաչվերացի տօնին առիթով, Ա․Մ․Ն․ Արեւելեան Թեմի բարեջան Առաջնորդ՝ Գեր. Անուշաւան Արքեպիսկոպոս Դանիէլեան պատարագեց ու քարոզեց Նիակարա Ֆոլզի Սուրբ Յակոբ եկեղեցւոյ մէջ։ Սուրբ Խորանի վրայ ծառայեցին եւ Պատարագին իրենց մասնակցութիւնը բերին Արժպ. Տ. Զարեհ Ա. Քհն. Սահակեան, Ռաֆֆի Ա. Սրկ. Պարտագճեան, Սթիվ Սրկ. Գարակէօզեան եւ Յարութիւն Սրկ. Մինոյեան։

Յաւարտ Սուրբ Պատարագի տեղի ունեցաւ ռեհանի աւանդական օրհնութիւն, ապա՝ սրահին մէջ, ճաշկերոյթի ընթացքին պարգեւատրուեցան Ռէյչըլ Աւերսա եւ Սոնիա Կրէկեան եկեղեցւոյ իրենց երկարամեայ ծառայութեան համար։